Kahi Na Un Se Jo HonTon Pe Baat Aai Bhi

kahi na un se jo honTon pe baat aai bhi

ki aashnai bhi thi sharam-e-ashnai bhi

koi talab thi to dast-e-sawal phailate

magar mili thi kahan surat-e-gadai bhi

kaho hawa se chale aaj raat tham tham kar

ki aag hai mere daman mein kuchh parai bhi

tere karam ke fasane to shahar bhar se kahe

tere sitam ki kahan ja ke den dahai bhi

teri sada pe guman dhaDkanon ka hota tha

ajab tha ab ke sukut-e-shab-judai bhi

tumhaari ham-safari ke bhi the bahut ehsan

hui hai wajh-e-nadamat shikasta-pai bhi

nazar bujhi to mile raushni kahan 'hashami'

jala ke shama bahut aankh se lagai bhi

(747) Peoples Rate This

Your Thoughts and Comments

Kahi Na Un Se Jo HonTon Pe Baat Aai Bhi In English By Famous Poet Jaleel Hashmi. Kahi Na Un Se Jo HonTon Pe Baat Aai Bhi is written by Jaleel Hashmi. Read famous Poem Kahi Na Un Se Jo HonTon Pe Baat Aai Bhi for youth and Student by Jaleel Hashmi. Free Download Kahi Na Un Se Jo HonTon Pe Baat Aai Bhi in PDF.