Ishq Ab Meri Jaan Hai Goya

ishq ab meri jaan hai goya

jaan ab mehman hai goya

soz-e-dil kah rahi hai mahfil mein

shama meri zaban hai goya

jis ko dekho wahi hai garm-e-talash

kahin us ka nishan hai goya

hai qayamat uThan zalim ki

wo abhi se jawan hai goya

chhine leti hai dil teri taswir

wo ada hai ki jaan hai goya

ek dal us mein lakh zaKHm-e-firaq

TuTa-phuTa makan hai goya

mange jaenge tujh ko hum tujh se

munh mein jab tak zaban hai goya

ji bahalne ko log sunte hain

dard-e-dil dastan hai goya

aadmi waqf-e-kar-e-duniya hai

mehman mezban hai goya

teri kis baat ka bharosa ho

teri har baat jaan hai goya

dil mein kaise wo be-takalluf hain

un ka apna makan hai goya

hae us aalam-ashna ki nazar

har nazar mein jahan hai goya

achchhe-achchhon ko phans rakkha hai

zal-e-duniya jawan hai goya

chup rahun main to sab khaTakte hain

be-zabani zaban hai goya

bewafai pe marte hain mashuq

dilrubai ki shan hai goya

koi us par nigah kya Dale

tamkanat pasban hai goya

teri surat to kahti hai qatil

KHud tera imtihan hai goya

KHub-ruyan-e-mah-paikar se

ye zamin aasman hai goya

aaj hai did ki ijazat-e-am

maut ka imtihan hai goya

war par war karte jate hain

kuchh abhi mujh mein jaan hai goya

is suKHan ka 'jalil' kya kahna

'mushafi' ki zaban hai goya

(883) Peoples Rate This

Your Thoughts and Comments

Ishq Ab Meri Jaan Hai Goya In English By Famous Poet Jaleel Manikpuri. Ishq Ab Meri Jaan Hai Goya is written by Jaleel Manikpuri. Read famous Poem Ishq Ab Meri Jaan Hai Goya for youth and Student by Jaleel Manikpuri. Free Download Ishq Ab Meri Jaan Hai Goya in PDF.