Kho Ke Dil Mera Tumhein Na-haq Pashemani Hui
kho ke dil mera tumhein na-haq pashemani hui
tum se nadani hui ya mujh se nadani hui
allah allah phuT nikla rang chahat ka meri
zahr khaya main ne poshak aap ki dhani hui
hum ko ho sakta nahin dhoka hujum-e-hashr mein
teri surat hai azal se jaani-pahchani hui
ai saba main aur kya dun qabr-e-majnun ke liye
KHak thoDi si chaDha dena meri chhani hui
yar ke hathon hua jo kuchh hua ai tegh-e-naz
teri uryani hui ya meri qurbani hui
kar gai diwangi hum ko bari har jurm se
chaak-damani se apni chaak-damani hui
baDh di banki adaon ne jo KHanjar ko 'jalil'
zabh karne mein mere qatil ko aasani hui
Jaleel Manikpuri 
(719) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544