Kya Mila Tumko Mere Ishq Ka Charcha Kar Ke
kya mila tum ko mere ishq ka charcha kar ke
tum bhi ruswa hue aaKHir mujhe ruswa kar ke
mujh pe talwar ka ehsan na hua KHub hua
mar Dala teri aankhon ne ishaara kar ke
nigah-e-shauq ko mane nahin parda koi
aap jaenge kahan aankh se parda kar ke
tum ne ki wada-KHilafi to koi baat nahin
sabhi mashuq mukar jate hain wada kar ke
har maraz ke liye KHaliq ne dawa paida ki
mujh ko bimar kiya tujh ko masiha kar ke
uD gaya rang jo mehndi ka to kya gham un ko
phir jama lenge abhi KHun-e-tamanna kar ke
shukr us banda-nawazi ka ada kya ho 'jalil'
mere sarkar ne rakkha mujhe apna kar ke
Jaleel Manikpuri 
(1028) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544