مزے بیتابیوں کے آ رہے ہیں
مزے بیتابیوں کے آ رہے ہیں
وہ ہم کو ہم انہیں سمجھا رہے ہیں
ابھی کل تک تھے کیسے بھولے بھالے
ذرا ابھرے ہیں آفت ڈھا رہے ہیں
کہا اس نے سوال وصل سن کر
کہ مجھ سے آپ کچھ فرما رہے ہیں
وہ بجلی ہیں تو ہوں ان کو مبارک
مجھے کس واسطے تڑپا رہے ہیں
مجھے تو انتظار چارہ گر ہے
الٰہی غش پہ غش کیوں آ رہے ہیں
رہے دامن بھرا ان کا ہمیشہ
لحد پر پھول جو برسا رہے ہیں
سنا کر قصۂ پروانہ و شمع
ہمارے دل کو وہ گرما رہے ہیں
دو روزہ حسن پر پھولے ہیں کیا گل
بڑے کم ظرف ہیں اترا رہے ہیں
کبھی ہم نے پیا تھا بادۂ عشق
جلیلؔ اس کے مزے اب آ رہے ہیں
(694) ووٹ وصول ہوئے
Maze Betabiyon Ke Aa Rahe Hain In Urdu By Famous Poet Jaleel Manikpuri. Maze Betabiyon Ke Aa Rahe Hain is written by Jaleel Manikpuri. Enjoy reading Maze Betabiyon Ke Aa Rahe Hain Poem on Inspiration for Students, Youth, Girls and Boys by Jaleel Manikpuri. Free Dowlonad Maze Betabiyon Ke Aa Rahe Hain by Jaleel Manikpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends