Ab To Apne Jism Ka Saya Bhi Begana Hua
ab to apne jism ka saya bhi begana hua
main teri mahfil mein aa kar aur bhi tanha hua
waqf-e-dard-e-jaan hua mahw-e-gham-e-duniya hua
dil ajab shai hai kabhi qatra kabhi dariya hua
teri aahaT ke taaqub mein hun sadiyon se rawan
raston ke pech-o-KHam mein Thokaren khata hua
lazzat-e-didar ki ai saat-e-raKHshan Thahar
paDh raha hun main tere chehre pe kuchh likkha hua
ab to tere husn ki har anjuman mein dhum hai
jis ne mera haal dekha tera diwana hua
wo samay ruKHsat hue hamdam wo shamen kho gain
kin KHayalon ke jhamelon mein hai tu uljha hua
Jameel Yusuf 
(893) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544