BhiD Aisi Hai Ki Mujhko Rasta Milta Nahin
bhiD aisi hai ki mujh ko rasta milta nahin
gul koi khilta nahin shoala koi uThta nahin
ai mere shauq-e-talab tere junun ki KHair ho
tu ne kya had-e-nigah ka fasla dekha nahin
ai ghurur-e-husn main tere badan ka aks hun
mahw-e-hairat hun ki tu ne mujh ko pahchana nahin
ek pal mein ye rida-e-ab mein chhup jaengi
rang ki lahron ke pichhe bhagna achchha nahin
dil jahan le jae dil ke sath jaana chahiye
is se baDh kar aur koi rahnuma hota nahin
jis ke jalwaon ne azal se muztarib rakkha mujhe
wo to mere samne bhi aaj tak aaya nahin
Jameel Yusuf 
(793) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544