Kaliyon Ki Tarah Dhula Dhula Hai

kaliyon ki tarah dhula dhula hai

wo jism shumal mein bana hai

gul-bar hain zulf o shana us ke

qamat mein wo tawil o dilruba hai

lamhon ke samundar mein jaise

bahta hua chand aa raha hai

honTon se wo dekhta hai mujh ko

aankhon se mujhe pukarta hai

guzri hai ramon mein umr meri

hirnon se mera muashiqa hai

'jamshed' sambhal ke us badan par

bas KHanda-e-surKH ki rida hai