Be-dili Kya Yunhi Din Guzar Jaenge
be-dili kya yunhi din guzar jaenge
sirf zinda rahe hum to mar jaenge
raqs hai rang par rang ham-raqs hain
sab bichhaD jaenge sab bikhar jaenge
ye KHarabaatiyan-e-KHirad-baKHta
subh hote hi sab kaam par jaenge
kitni dilkash ho tum kitna dil-ju hun main
kya sitam hai ki hum log mar jaenge
hai ghanimat ki asrar-e-hasti se hum
be-KHabar aae hain be-KHabar jaenge
Jaun Eliya 
(8370) Peoples Rate This