Hu Ka Aalam Hai Yahan Nala-garon Ke Hote

hu ka aalam hai yahan nala-garon ke hote

shahr KHamosh hai shorida-saron ke hote

kyun shikasta hai tera rang mata-e-sad-rang

aur phir apne hi KHunin-jigron ke hote

kar-e-faryaad-o-fughan kis liye mauquf hua

tere kuche mein tere ba-hunron ke hote

kiya diwanon ne tere coach hai basti se kya

warna sunsan hon rahen nigharon ke hote

juz saza aur ho shayad koi maqsud un ka

ja ke zindan mein jo rahte hain gharon ke hote

shahr ka kaam hua fart-e-hifazat se tamam

aur chhalni hue sine siparon ke hote

apne sauda-zadagan se ye kaha hai us ne

chal ke ab aaiyo pairon pe saron ke hote

ab jo rishton mein bandha hun to khula hai mujh par

kab parind uD nahin pate hain paron ke hote