Inqalab Ek KHwab Hai So Hai
inqalab ek KHwab hai so hai
dil ki duniya KHarab hai so hai
rahiyo to yunhi mahw-e-araish
bahar ek iztirab hai so hai
tar hai dasht us ke aks-e-manzar se
aur KHud wo sarab hai so hai
jo bhi dasht-e-talab ka hai pas-e-ru
wahi zarrin-rikab hai so hai
shaiKH sahab liye phiren tegha
barahman fath-yab hai sau hai
dahr aashob hai sawalon ka
aur KHuda la-jawab hai so hai
is shab-e-tira-e-hamesha mein
raushni ek KHwab hai so hai
Jaun Eliya 
(4105) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544