Kabhi Kabhi To Bahut Yaad Aane Lagte Ho

kabhi kabhi to bahut yaad aane lagte ho

ki ruThte ho kabhi aur manane lagte ho

gila to ye hai tum aate nahin kabhi lekin

jab aate bhi ho to fauran hi jaane lagte ho

ye baat 'jaun' tumhaari mazaq hai ki nahin

ki jo bhi ho use tum aazmane lagte ho

tumhaari shairi kya hai bura bhala kya hai

tum apne dil ki udasi ko gane lagte ho

surud-e-atish-e-zarrin-e-sahn-e-KHamoshi

wo dagh hai jise har shab jalane lagte ho

suna hai kahkashanon mein roz-o-shab hi nahin

to phir tum apni zaban kyun jalane lagte ho