KHwab Ki Haalaton Ke Sath Teri Hikayaton Mein Hain

KHwab ki haalaton ke sath teri hikayaton mein hain

hum bhi dayar-e-ahl-e-dil teri riwayaton mein hain

wo jo the rishta-ha-e-jaan TuT sake bhala kahan

jaan wo rishta-ha-e-jaan ab bhi shikayaton mein hain

ek ghubar hai ki hai daera-war pur-fishan

qafila-ha-e-kahkashan tang hain wahshaton mein hain

waqt ki darmiyaniyan kar gain jaan-kani ko jaan

wo jo adawaten ki thin aaj mohabbaton mein hain

partaw-e-rang hai ki hai did mein jaan-nashin-e-rang

rang kahan hain runuma rang to nikhaton mein hain

hai ye wajud ki numud apni nafas nafas gurez

waqt ki sari bastiyan apni hazimaton mein hain

gard ka sara KHanuman hai sar-e-dasht-e-be-aman

shahr hain wo jo har tarah gard ki KHidmaton mein hain

wo dil o jaan suraten jaise kabhi na thin kahin

hum unhin suraton ke hain hum unhin suraton mein hain

main na sununga majra marka-ha-e-shauq ka

KHun gae hain raegan rang nadamaton mein hain

(711) Peoples Rate This

Your Thoughts and Comments

KHwab Ki Haalaton Ke Sath Teri Hikayaton Mein Hain In English By Famous Poet Jaun Eliya. KHwab Ki Haalaton Ke Sath Teri Hikayaton Mein Hain is written by Jaun Eliya. Read famous Poem KHwab Ki Haalaton Ke Sath Teri Hikayaton Mein Hain for youth and Student by Jaun Eliya. Free Download KHwab Ki Haalaton Ke Sath Teri Hikayaton Mein Hain in PDF.