Ku-e-jaanan Mein Aur Kya Mango
ku-e-jaanan mein aur kya mango
haalat-e-haal yak sada mango
har-nafas tum yaqin-e-munim se
rizq apne guman ka mango
hai agar wo bahut hi dil nazdik
us se duri ka silsila mango
dar-e-matlab hai kya talab-angez
kuchh nahin wan so kuchh bhi ja mango
gosha-e-gir-e-ghubar-e-zat hun mein
mujh mein ho kar mera pata mango
munkiran-e-KHuda-e-baKHshinda
us se to aur ek KHuda mango
us shikam-raqs-gar ke sail ho
naf-pyale ki tum ata mango
lakh janjal mangne mein hain
kuchh na mango faqat dua mango
Jaun Eliya 
(2384) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544