Shauq Ka Rang Bujh Gaya Yaad Ke ZaKHm Bhar Gae

shauq ka rang bujh gaya yaad ke zaKHm bhar gae

kya meri fasl ho chuki kya mere din guzar gae

rah-guzar-e-KHayal mein dosh-ba-dosh the jo log

waqt ki gard-baad mein jaane kahan bikhar gae

sham hai kitni be-tapak shahr hai kitna sahm-nak

ham-nafaso! kahan ho tum jaane ye sab kidhar gae!

pas-e-hayat ka KHayal hum ko bahut bura laga

pas ba-hujum-e-marka jaan ke be-sipar gae

main to safon ke darmiyan kab se paDa hun nim-jaan

mere tamam jaan-nisar mere liye to mar gae