ChaDha Pani Zara Tu Apne Dhaare Se Nikal Aaya

chaDha pani zara tu apne dhaare se nikal aaya

achanak ek jagah dariya kinare se nikal aaya

bahut raushan tha wo aur aaKHir-e-shab ke ufuq par tha

mere hi samne din us sitare se nikal aaya

mujhe apne badan ka KHas jalana tha zamistan mein

mera ye kaam dil hi ke sharare se nikal aaya

tah-e-dariya paDe rahna tha main ne bhi guhar-surat

thi mauj-e-tund ek jis ke sahaare se nikal aaya

safar ko ek jagah se kar liya kuchh lamba aur mushkil

ghalat rasta tha wo jis ke ishaare se nikal aaya

hisab-e-dostan karne hi se malum ye hoga

KHasare mein hun ya ab main KHasare se nikal aaya

bahut mushkil tha kuchh us husn ki tarif mein kahna

mera matlab magar ek istiare se nikal aaya

zamin-e-dil ko bas thoDe se pani ki zarurat thi

ye pani ek guzarte abr pare se nikal aaya

mujhe phir qaid kar lena tha us ke husn ne 'shahin'

munasib waqt par main ek nazare se nikal aaya

(548) Peoples Rate This

Your Thoughts and Comments

ChaDha Pani Zara Tu Apne Dhaare Se Nikal Aaya In English By Famous Poet Javed Shaheen. ChaDha Pani Zara Tu Apne Dhaare Se Nikal Aaya is written by Javed Shaheen. Read famous Poem ChaDha Pani Zara Tu Apne Dhaare Se Nikal Aaya for youth and Student by Javed Shaheen. Free Download ChaDha Pani Zara Tu Apne Dhaare Se Nikal Aaya in PDF.