Kanar-e-dasht Akele Thaharne Par Hoga

kanar-e-dasht akele Thaharne par hoga

dilon mein KHauf ka andaza Darne par hoga

samajhta hai meri aadat wo husn-e-be-parwa

sameT lunga use jab bikharne par hoga

payam de na saki gul ka bu-e-sust-KHiram

na jaane ab kahan mausam guzarne par hoga

kahin pe kai kahin habs aur kahin daldal

ye haal shahr ka pani utarne par hoga

main sochta hun daraKHton ki chhanw mein 'shahin'

ki tai tamam safar sirf karne par hoga

(739) Peoples Rate This

Your Thoughts and Comments

Kanar-e-dasht Akele Thaharne Par Hoga In English By Famous Poet Javed Shaheen. Kanar-e-dasht Akele Thaharne Par Hoga is written by Javed Shaheen. Read famous Poem Kanar-e-dasht Akele Thaharne Par Hoga for youth and Student by Javed Shaheen. Free Download Kanar-e-dasht Akele Thaharne Par Hoga in PDF.