SaDkon Pe Bahut KHalq-e-KHuda Dekhte Rahna

saDkon pe bahut KHalq-e-KHuda dekhte rahna

kya chiz hai jine ki saza dekhte rahna

bah jaana KHamoshi se kahin dard ka pani

aur dil ko sada KHushk paDa dekhte rahna

milne ke liye jaana use shauq se lekin

is ruKH pe uDa rang-e-wafa dekhte rahna

le jaana use bazm-e-nigaran mein wahan phir

kab aae nazar sab se juda dekhte rahna

mumkin hai ki mil jae kabhi koi ishaara

mausam ki ye be-mehr ada dekhte rahna

kamre mein paDe rahna ghuTan oDh ke 'shahin'

diwaron pe taswir-e-hawa dekhte rahna

(769) Peoples Rate This

Your Thoughts and Comments

SaDkon Pe Bahut KHalq-e-KHuda Dekhte Rahna In English By Famous Poet Javed Shaheen. SaDkon Pe Bahut KHalq-e-KHuda Dekhte Rahna is written by Javed Shaheen. Read famous Poem SaDkon Pe Bahut KHalq-e-KHuda Dekhte Rahna for youth and Student by Javed Shaheen. Free Download SaDkon Pe Bahut KHalq-e-KHuda Dekhte Rahna in PDF.