Zulm Had Se Guzarta Raha
zulm had se guzarta raha
ashk fariyaad karta raha
Dar nahin dushmanon ka mujhe
apne sae se Darta raha
us ka kirdar tha aaina
umr-bhar main sanwarta raha
puchh kar KHairiyat wo meri
aur bimar karta raha
zindagi teri tamir mein
TuT kar main bikharta raha
ek pal ki KHushi ke liye
aadmi roz marta raha
rang-e-mahfil to badla nahin
lakh koshish main karta raha
kaun 'jawed' dil mein tere
rafta rafta utarta raha
Javed Siddiqi Azmi 
(1456) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544