Nahin Ki Pand-o-nasihat Ka Qaht PaD Gaya Hai

nahin ki pand-o-nasihat ka qaht paD gaya hai

hamari baat mein barakat ka qaht paD gaya hai

to phir ye radd-e-munajat ki nahusat kyun

kabhi suna ki ibaadat ka qaht paD gaya hai?

malal ye hai ki is par koi malul nahin

hamare shahr mein hairat ka qaht paD gaya hai

suKHan ka khokhla hona samajh se bahar tha

khula ki harf ki hurmat ka qaht paD gaya hai

kahin kahin nazar aae to aae misra-e-tar

nahin to sher mein lazzat ka qaht paD gaya hai

nasib dil ko bhala kab rahi farawani

aur ab to waise bhi muddat ka qaht paD gaya hai

magar ab aisi bhi koi andher-nagri nahin

ye Thik hai ki mohabbat ka qaht paD gaya hai

nahin main sirf ba-zahir nahin hua viran

darun-e-zat bhi shiddat ka qaht paD gaya hai

kahan gain mere ganw ki raunaqen 'jawwad'

to kya yahan bhi riwayat ka qaht paD gaya hai

(570) Peoples Rate This

Your Thoughts and Comments

Nahin Ki Pand-o-nasihat Ka Qaht PaD Gaya Hai In English By Famous Poet Javvad Shaikh. Nahin Ki Pand-o-nasihat Ka Qaht PaD Gaya Hai is written by Javvad Shaikh. Read famous Poem Nahin Ki Pand-o-nasihat Ka Qaht PaD Gaya Hai for youth and Student by Javvad Shaikh. Free Download Nahin Ki Pand-o-nasihat Ka Qaht PaD Gaya Hai in PDF.