Asatiri Nazm

aaKHiri bar

koh-e-nida ke us par

us ke sunahri wajud ki aayat

mere dil ke qirtas par

tastir hoi

main

sat sawalon ke jawab talash karta hua

is ajnabi sar-zamin par

utra tha

us ki sunahri naf ka pyala

KHutan se aai

kasturi se labrez tha

aur sine par

lala ke do phul khile the

raushni

us ke chehre ke KHadd-o-KHal taKHliq karne mein

masruf thi

wo

siyah pairahan pahne

hire ke taKHt ko

Thokar pe liye baiThi thi

us

ke pahlu mein

wafadar ghulam istada the

jin ke mohabbat se labrez dil

un ki hatheliyon pe dhaDakte the

main ne apni taza nazm

sandal ki chhaal par likh kar

use hadiya ki

meri nazm ke aaKHiri misre tak aate aate

us ka dil

aankhon se bah nikla

us ne hath baDha kar

raqs karte peD ka

sab se KHush-gulu parinda toD kar

meri hatheli par rakha

to us ke pahlu mein

ThaThen marta jawaharaat ka dariya

mere kushada daman mein bahne laga

main ne us ke dariya ko apne chullu mein bhara

aur farsh par thuk diya

tab us par ye raaz khula

ki main hi wo shair hun jis ne

nazm

aur

taqdir

ijad ki

(757) Peoples Rate This

Your Thoughts and Comments

Asatiri Nazm In English By Famous Poet Jawaz Jafri. Asatiri Nazm is written by Jawaz Jafri. Read famous Poem Asatiri Nazm for youth and Student by Jawaz Jafri. Free Download Asatiri Nazm in PDF.