KHuda Ki Shan Wo KHud Ho Rahe Hain Diwane

KHuda ki shan wo KHud ho rahe hain diwane

jo rah-e-dasht se aae the hum ko palTane

nikal chale to hain targhib-e-dil pe hum ghar se

kahan lagenge Thikane ye ab KHuda jaane

na dil raha na rahi dil ki KHak bhi baqi

huzur aae hain ab intizar farmane

jo dil ki aag se waqif banen wo kya jaane

lipaT ke shama se kyun jal rahe hain parwane

nigah jin ko mili hai wo lutf lete hain

chhalak rahe hain paDe kaifiyat se virane

nahin hai sine mein paiwast jis ke tir-e-nigah

wo rah-o-rasm hayat-o-mamat kya jaane

chale to hain ki dikhaenge un ko chir ke dil

pahunch sakenge hum un tak ye ab KHuda jaane

ghaTe to chain nahin hai baDhe to chain nahin

hamein laga hai ye kya rog koi pahchane

hai sar pe bojh to kya hai magar baDhe niklo

na uTh sakoge jo baiThe zara bhi sustane

tamam umr hui ek hi rawish pe 'jigar'

hazar bar hamein aazmaya duniya ne

(465) Peoples Rate This

Your Thoughts and Comments

KHuda Ki Shan Wo KHud Ho Rahe Hain Diwane In English By Famous Poet Jigar Barelvi. KHuda Ki Shan Wo KHud Ho Rahe Hain Diwane is written by Jigar Barelvi. Read famous Poem KHuda Ki Shan Wo KHud Ho Rahe Hain Diwane for youth and Student by Jigar Barelvi. Free Download KHuda Ki Shan Wo KHud Ho Rahe Hain Diwane in PDF.