Jaan Kar Min-jumla-e-KHasan-e-mai-KHana Mujhe
jaan kar min-jumla-e-KHasan-e-mai-KHana mujhe
muddaton roya karenge jam o paimana mujhe
nang-e-mai-KHana tha main saqi ne ye kya kar diya
pine wale kah uThe ya pir-e-mai-KHana mujhe
sabza o gul mauj o dariya anjum o KHurshid o mah
ek talluq sab se hai lekin raqibana mujhe
zindagi mein aa gaya jab koi waqt-e-imtihan
us ne dekha hai 'jigar' be-iKHtiyarana mujhe
Jigar Moradabadi 
(1757) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544