Jaan Kar Min-jumla-e-KHasan-e-mai-KHana Mujhe
jaan kar min-jumla-e-KHasan-e-mai-KHana mujhe
muddaton roya karenge jam o paimana mujhe
nang-e-mai-KHana tha main saqi ne ye kya kar diya
pine wale kah uThe ya pir-e-mai-KHana mujhe
sabza o gul mauj o dariya anjum o KHurshid o mah
ek talluq sab se hai lekin raqibana mujhe
zindagi mein aa gaya jab koi waqt-e-imtihan
us ne dekha hai 'jigar' be-iKHtiyarana mujhe
Jigar Moradabadi 
(1662) Peoples Rate This