حسن کافر شباب کا عالم
حسن کافر شباب کا عالم
سر سے پا تک شراب کا عالم
عرق آلود چہرۂ تاباں
شبنم و آفتاب کا عالم
وہ مری عرض شوق بے حد پر
کچھ حیا کچھ عتاب کا عالم
اللہ اللہ وہ امتزاج لطیف
شوخیوں میں حجاب کا عالم
ہمہ نور و سرور کی دنیا
ہمہ حسن و شباب کا عالم
وہ لب جوئبار و موسم گل
وہ شب ماہتاب کا عالم
زانوئے شوق پر وہ پچھلے پہر
نرگس نیم خواب کا عالم
دیر تک اختلاط راز و نیاز
یک بیک اجتناب کا عالم
لاکھ رنگیں بیانیوں پہ مری
ایک سادہ جواب کا عالم
غم کی ہر موج موج طوفاں خیز
دل کا عالم حباب کا عالم
دل مطرب سمجھ سکے شاید
اک شکستہ رباب کا عالم
وہ سماں آج بھی ہے یاد جگرؔ
ہاں مگر جیسے خواب کا عالم
جگرؔ مرادآبادی 
(926) ووٹ وصول ہوئے
Husn-e-kafir-shabab Ka Aalam In Urdu By Famous Poet Jigar Moradabadi. Husn-e-kafir-shabab Ka Aalam is written by Jigar Moradabadi. Enjoy reading Husn-e-kafir-shabab Ka Aalam Poem on Inspiration for Students, Youth, Girls and Boys by Jigar Moradabadi. Free Dowlonad Husn-e-kafir-shabab Ka Aalam by Jigar Moradabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends