Aawara Sa Galiyon Mein Jo Main Ghum Raha Hun
aawara sa galiyon mein jo main ghum raha hun
zahir hai teri did se mahrum raha hun
phir aankhen bichhae hue hun rah mein us ki
phir har kisi rah-raw ke qadam chum raha hun
ye hai meri bedari-e-qalbi ki hi ek waza
har-chand teri bazm mein main jhum raha hun
ghaddari-e-ulfat to nahin hai mera shewa
is jurm ke hi KHyal se masum raha hun
KHush-qismati-e-ahl-e-junun hai mera hissa
aasaish-e-duniyawi se mahrum raha hun
main bargah-e-husn se mayus na aata
gham hai wale taqdir mein maghmum raha hun
hun kya ki jo wo qadr bhi karte meri 'rahbar'
ek harf hun aur harf bhi mauhum raha hun
Jitendra Mohan Sinha Rahbar 
(973) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544