Adu-e-din-o-iman Dushman-e-amn-o-aman Nikle

adu-e-din-o-iman dushman-e-amn-o-aman nikle

tere paikan baDe jabir baDe na-mehrban nikle

adaon ne lubhaya di nigah-e-naz ne dawat

magar alfaz dil-shikani mein meri kaamran nikle

mukar lo ishq se lekin sar-e-mahshar na kahna kuchh

wahan par kaun jaane koi apna raaz-dan nikle

tumhaari bazm hai rutbe mein jannat se bhi baala-tar

yahan piri mein aae hum magar ho kar jawan nikle

baDa charcha hai koh-e-tur ka wadi-e-aiman ka

bahut aghlab hai wo dar-parda meri dastan nikle

bayaban mein chaman mein dasht mein ya koh-e-viran mein

KHuda jaane kahan pahunche jo su-e-ashiyan nikle

hamari maut bhi ek mauj hai dariya-e-hasti ki

bas ek ghota lagana hai yahan Dube wahan nikle

moattar kar gai bu-e-wafa mahaul-e-alam ko

mere har qatra-e-KHun se hazaron gulistan nikle

chhupe hain sat pardon mein ye sab kahne ki baaten hain

unhen meri nigahon ne jahan DhunDa wahan nikle

ye waqt-e-naza kaisa kaisi takmil-e-hayat ai dil

ummiden kab huin puri abhi arman kahan nikle

KHuda ka shukr be-dam-o-diram the mai-kade mein hum

magar pir-e-mughan apne purane mehrban nikle

haqiqat ko jo dekha ek nai duniya nazar aai

sitam goya karam tha dushman-e-jaan pasban nikle

mohabbat mein luTe lekin bahut achchhe rahe 'rahbar'

guman tha jin pe rahzan ka wo mir-e-karwan nikle

(600) Peoples Rate This

Your Thoughts and Comments

Adu-e-din-o-iman Dushman-e-amn-o-aman Nikle In English By Famous Poet Jitendra Mohan Sinha Rahbar. Adu-e-din-o-iman Dushman-e-amn-o-aman Nikle is written by Jitendra Mohan Sinha Rahbar. Read famous Poem Adu-e-din-o-iman Dushman-e-amn-o-aman Nikle for youth and Student by Jitendra Mohan Sinha Rahbar. Free Download Adu-e-din-o-iman Dushman-e-amn-o-aman Nikle in PDF.