Mujhse Saqi Ne Kahi Raat Ko Kya Baat Ai Josh

mujh se saqi ne kahi raat ko kya baat ai 'josh'

yani azdad hain parwarda-e-yak-zat ai 'josh'

mast o begana guzar ja kura-e-KHaki se

ye to hai rahguzar-e-sail-e-KHayalat ai 'josh'

aur to aur KHud insan baha jata hai

kitna pur-haul hai tufan-e-riwayat ai 'josh'

log kahte hain hijabaat nahin juz aayat

kis se kahiye ki ye aayat hain KHud zat ai 'josh'

ahl-e-alfaz shariat pe miTe jate hain

kis ko samjhaun mashiyyat ke ishaaraat ai 'josh'

dekhiye subh-e-junun zehn mein kab tale ho

aql sunta hun ki hai ek abadi raat ai 'josh'

quwwat-e-kal ke masaleh se aur itne bad-zan

wae bar-daghdagha-e-ahl-e-munajat ai 'josh'

saghar-e-mai hi mein hota hai tulu aur ghurub

aafrin bar-dil-e-rindan-e-KHarabaat ai 'josh'

kaun manega ki hain ain-e-mashiyyat wallah

zindagani ke ye bigDe hue aadat ai 'josh'

tujh ko kya faqr mein rahat hai ki shahi mein faragh

tu to hai KHalwati-e-pir-e-KHarabaat ai 'josh'

(538) Peoples Rate This

Your Thoughts and Comments

Mujhse Saqi Ne Kahi Raat Ko Kya Baat Ai Josh In English By Famous Poet Josh Malihabadi. Mujhse Saqi Ne Kahi Raat Ko Kya Baat Ai Josh is written by Josh Malihabadi. Read famous Poem Mujhse Saqi Ne Kahi Raat Ko Kya Baat Ai Josh for youth and Student by Josh Malihabadi. Free Download Mujhse Saqi Ne Kahi Raat Ko Kya Baat Ai Josh in PDF.