Ye Baat Ye Tabassum Ye Naz Ye Nigahen
ye baat ye tabassum ye naz ye nigahen
aaKHir tumhin batao kyunkar na tum ko chahen
ab sar uTha ke main ne shikwon se hat uThaya
mar jaunga sitamgar nichi na kar nigahen
kuchh gul hi se nahin hai ruh-e-numu ko raghbat
gardan mein KHar ki bhi Dale hue hai banhen
allah ri dil-farebi jalwon ke bankpan ki
mahfil mein wo jo aae kaj ho gain kulahen
ye bazm 'josh' kis ke jalwon ki rahguzar hai
har zarre mein hain ghaltan uThti hui nigahen
Josh Malihabadi 
(1170) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544