Muflis

zof se aankhon ke niche titliyan phirti hui

auj-e-KHuddari se dil par bijliyan girti hui

lash kandhe par KHud apne jazba-e-takrim ki

multaji chehre pe lahren si ummid-o-bim ki

izzat-e-ajdad ke sar par dama-dam Thokaren

rishta-e-awaz par lafzon ki paiham Thokaren

chehra-e-afsurda par ThanDa pasina sharm ka

sust nabzen bhik ka lahje ke andar Thikra

qarz ki darKHwast ki uljhi hui taqrir mein

kapkapi aasab ki bechain dil ki larzishen

ek taraf hajat ki shiddat ek taraf ghairat ka josh

nutq par harf-e-tamanna dil mein ghusse ka KHarosh

jumbish-e-mizhgan ke zer-e-saya nadari ki raat

jauhar-e-insaniyat joDe hue aankhon mein hat

sans dahshat se zamin ki aasman roke hue

muflisi mardana lahje ki inan roke hue

lab pe KHushki ruKH pe zardi aankh sharmai hui

chashm o abru mein KHudi ki aag kajlai hui

nafas mein sherana tewar aarzu ruba-mizaj

ehtiyaj o ehtiyaj o ehtiyaj o ehtiyaj!

(862) Peoples Rate This

Your Thoughts and Comments

Muflis In English By Famous Poet Josh Malihabadi. Muflis is written by Josh Malihabadi. Read famous Poem Muflis for youth and Student by Josh Malihabadi. Free Download Muflis in PDF.