Jab Duaen Bhi Kuchh Asar Na Karen
jab duaen bhi kuchh asar na karen
kya karen sabr hum agar na karen
dastan KHatm ho hi jaegi
aap qisse ko muKHtasar na karen
chhoDta hi nahin hamein sayyaad
warna parwa-e-baal-o-par na karen
qabil-e-afw main nahin na sahi
na karen aap darguzar na karen
un ko ehsas-e-dard-e-dil kaisa
mar bhi jaun to aankh tar na karen
us ki bechaargi ka kya kahna
jis ki aahen bhi kuchh asar na karen
ye bhi tashhir-e-shaeri hai 'josh'
aap diwan mushtahar na karen
Josh Malsiani 
(1019) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544