Jitne The Tere Jalwe Sab Ban Gae But-KHane

jitne the tere jalwe sab ban gae but-KHane

ab chashm-e-tamashai kyun kar tujhe pahchane

asrar haqiqat ke samjhe nahin farzane

taqsir to thi un ki mare gae diwane

mastan-e-mohabbat ne duniya mein yahi dekha

TuTe hue paimane TuTe hue mai-KHane

phulon ki hansi se bhi dil jin ka nahin khilta

un ko bhi hansate hain hanste hue paimane

wo haal sunaun kya jo ghair-mukammal hai

ab tak ki to main jaanun aage ki KHuda jaane

jhagDa na kabhi uThta tu-tu na kabhi hoti

kuchh shaiKH hai diwana kuchh rind hain diwane

wo mujh pe karam-farma hoga ki nahin hoga

ya us ko KHuda jaane ya meri qaza jaane

hum kahte rahe jab tak rudad mohabbat ki

hanste rahe farzane rote rahe diwane

samjha tha jinhen apna jab un ki rawish ye hai

auron ki shikayat kya begane to begane

wahshat to nahin mujh ko ai 'josh' magar phir bhi

yaad aate hain rah rah kar chhoDe hue virane

(834) Peoples Rate This

Your Thoughts and Comments

Jitne The Tere Jalwe Sab Ban Gae But-KHane In English By Famous Poet Josh Malsiani. Jitne The Tere Jalwe Sab Ban Gae But-KHane is written by Josh Malsiani. Read famous Poem Jitne The Tere Jalwe Sab Ban Gae But-KHane for youth and Student by Josh Malsiani. Free Download Jitne The Tere Jalwe Sab Ban Gae But-KHane in PDF.