Barpa Hain Ajab Shorishen Jazbaat Ke Pichhe
barpa hain ajab shorishen jazbaat ke pichhe
be-tab hai dil shauq-e-mulaqat ke pichhe
jin ko na samajh pae hum arbab-e-nazar bhi
sau raaz hain us shoKH ki har baat ke pichhe
is Thos haqiqat se tarruz nahin mumkin
ek subh-e-tajalli hai har ek raat ke pichhe
arbab-e-watan hum ko zara ye to bataen
kin zehnon ki sazish hai fasadat ke pichhe
manzar hai lahu-rang sulagti hain fazaen
shoalon ka wo sailab hai barsat ke pichhe
hum un ko samajhte hain 'hazin' kah nahin sakte
asbab jo hain talKHi-e-haalat ke pichhe
Junaid Hazin Lari 
(1769) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544