Nauha

rahne ko sada dahr mein aata nahin koi

tum jaise gae aise bhi jata nahin koi

Darta hun kahin KHushk na ho jae samundar

rakh apni kabhi aap bahata nahin koi

ek bar to KHud maut bhi ghabra gai hogi

yun maut ko sine se lagata nahin koi

mana ki ujalon ne tumhein dagh diye the

be-raat Dhale shama bujhata nahin koi

saqi se gila tha tumhein mai-KHane se shikwa

ab zahr se bhi pyas bujhata nahin koi

har subh hila deta tha zanjir zamana

kyun aaj diwane ko jagata nahin koi

arthi to uTha lete hain sab ashk baha ke

naz-e-dil-e-betab uThata nahin koi

(444) Peoples Rate This

Your Thoughts and Comments

Nauha In English By Famous Poet Kaifi Azmi. Nauha is written by Kaifi Azmi. Read famous Poem Nauha for youth and Student by Kaifi Azmi. Free Download Nauha in PDF.