Dard Kab Dil Mein Mehrban Na Raha
dard kab dil mein mehrban na raha
han magar qabil-e-bayan na raha
hum jo gulshan mein the bahaar na thi
jab bahaar aai aashiyan na raha
gham garan jab na tha garan tha mujhe
jab garan ho gaya garan na raha
doston ka karam maaz-allah
shikwa-e-jaur-e-dushmanan na raha
bijliyon ko duaen deta hun
dosh par bar-e-ashiyan na raha
Kaleem Aajiz 
(638) Peoples Rate This