Surur-o-kaif Hai Kuchh Lazzat-e-baqa To Nahin
surur-o-kaif hai kuchh lazzat-e-baqa to nahin
ye ibtida ki haqiqat hai intiha to nahin
sitare tir nigahon se dekhte kyun hain
mera junun koi mere liye bala to nahin
fareb khae na kyun kar kisi ka sada dil
zamana-saz nigahon se aashna to nahin
kahin giri to hai bijli zara nazar kije
kisi gharib ki palTi hui dua to nahin
hazar bar KHizan se bahaar Takrai
chaman ka raaz magar aaj tak khula to nahin
mizaj-e-husn mukaddar hai kyun KHuda jaane
is aaine mein koi baal aa gaya to nahin
hujum-e-naz mein jalwa-farebiyon ke siwa
'kalim' aur koi hadisa hua to nahin
Kaleem Ahmadabadi 
(719) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544