Lab-e-KHirad Se Yahi Bar Bar Niklega
lab-e-KHirad se yahi bar bar niklega
nikalne hi se dil ka ghubar niklega
ugenge phul KHayalon ke reg-zaron se
KHizan ke ghar se julus-e-bahaar niklega
kahin fareb na khana yahi fida-e-jam
ba-waqt-e-kar ajab hoshyar niklega
chaman ka husn samajh kar sameT lae the
kise KHabar thi ki har phul KHar niklega
ye hukm hai ki koi rah-e-rast par na chale
hawa ke ghoDe pe koi sawar niklega
kise nahin hai shikayat 'raza' zamane se
TaTolo koi jigar dagh-dar niklega
Kalidas Gupta Raza 
(759) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544