Ye Lamhat-e-nau Mera Kya Le Gae
ye lamhat-e-nau mera kya le gae
kuchh aansu gire the uTha le gae
nadi nale qadren baha le gae
wafa le gae muddaa le gae
kise DhunDte ho khaDi naw par
sabhi fasle na-KHuda le gae
ye kaise jhakole the pindar ke
mujhe pankh de kar uDa le gae
chuna rahnuma un ko ye kya kiya
kahan se kahan naqsh-e-pa le gae
ghar aangan mein sone ka suraj kahan
kiran tak paDosi chura le gae
labon par kahin 'kali-das' ab nahin
baDe nam 'gupta-raza' le gae
Kalidas Gupta Raza 
(734) Peoples Rate This