PahaD Jo KhaDa Hua Tha KHwab-sa KHayal Sa

pahaD jo khaDa hua tha KHwab-sa KHayal sa

bikhar gaya hai raste mein gard-e-mah-o-sal sa

nazar ka farq kahiye is ko hijr hai visal sa

uruj kah rahe hain jis ko hai wahi zawal sa

tumhaara lafz sach ka sath de saka na dur tak

misal jis ki de rahe ho hai wo be-misal sa

KHulus ke hiran ko DhunD kar riya ke shahr mein

mere aziz kar rahe ho tum ajab kamal sa

adawaton ki mauj jis zamin pe bo gai namak

ugega sabza-zar us jagah ye hai muhaal sa

shab-e-visal aaine mein paD gaya shigaf kyun?

hamara dil to saf hai tumhein hai kyun malal sa

'karamat'-e-hazin farar ho ke haal-e-zar se

guzishta ahd se mila to wo laga hai haal sa

(823) Peoples Rate This

Your Thoughts and Comments

PahaD Jo KhaDa Hua Tha KHwab-sa KHayal Sa In English By Famous Poet Karamat Ali Karamat. PahaD Jo KhaDa Hua Tha KHwab-sa KHayal Sa is written by Karamat Ali Karamat. Read famous Poem PahaD Jo KhaDa Hua Tha KHwab-sa KHayal Sa for youth and Student by Karamat Ali Karamat. Free Download PahaD Jo KhaDa Hua Tha KHwab-sa KHayal Sa in PDF.