Waqt Mazdur Hai Ujrat Dije
waqt mazdur hai ujrat dije
ek ek lamhe ki qimat dije
mujh se ye bojh nahin uTh sakta
mashwara koi mujhe mat dije
hijr ki raat nahin Dhalne ki
ab charaghon ko ijazat dije
kaam kuchh dil ke hain kuchh duniya ke
ek zara si mujhe mohlat dije
dil ko aabaad hi karna hai to phir
wahi diwar wahi chhat dije
dil hai duniya to nahin hai koi
jitni chahe ise wusat dije
KHud bhi rakh sakte hain hum apna KHayal
kya kisi aur ko zahmat dije
Kashif Husain Ghair 
(948) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544