Jab Zist Ke Mushkil Lamhon Mein Apne Bhi Kinara Karte
jab zist ke mushkil lamhon mein apne bhi kinara karte
us waqt bhi hum ai ahl-e-jahan hans hans ke guzara karte hain
sayyaad ne tere asiron ko aaKHir ye kah kar chhoD diya
ye log qafas mein rah kar bhi gulshan ka nazara karte hain
jazbaat mein aa kar marna to mushkil si koi mushkil hi nahin
ai jaan-e-jahan hum tere liye jina bhi gawara karte hain
manjdhaar mein naw Dub gai to maujon se aawaz aai
dariya-e-mohabbat se 'kausar' yun par utara karte hain
Kausar Niyazi 
(711) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544