Ek Ek Gam Pe Pathraw Hua Hai Mujh Mein

ek ek gam pe pathraw hua hai mujh mein

silsila gham ka bahut dur chala hai mujh mein

itna phaila hun simaTna hi paDega shayad

koi shiddat se mujhe DhunD raha hai mujh mein

ashk Tapke to koi raaz ki tahrir mili

aur kya kya nahin malum likha hai mujh mein

gunjta rahta hun main koi sune ya na sune

bhuli-bisri hui yaadon ki sada hai mujh mein

hogi zail na kabhi mere nafas ki KHushbu

gham tera ud ki manind jala hai mujh mein

taq-e-nisyan pe diya kis ne ye rakh chhoDa hai

ek muddat se jala hai na bujha hai mujh mein

ek manzar bhi na dekha gaya mujh se 'kawish'

sare aalam ko koi dekh raha hai mujh mein

(391) Peoples Rate This

Your Thoughts and Comments

Ek Ek Gam Pe Pathraw Hua Hai Mujh Mein In English By Famous Poet Kavish Badri. Ek Ek Gam Pe Pathraw Hua Hai Mujh Mein is written by Kavish Badri. Read famous Poem Ek Ek Gam Pe Pathraw Hua Hai Mujh Mein for youth and Student by Kavish Badri. Free Download Ek Ek Gam Pe Pathraw Hua Hai Mujh Mein in PDF.