Dost Jitne Bhi The Mazar Mein Hain
dost jitne bhi the mazar mein hain
ghaaliban mere intizar mein hain
wo na hote mera wajud na tha
main na hota wo kis shumar mein hain
shaKH-e-idrak mein jo kanTe hain
phul banne ke intizar mein hain
kya sabab hai ki ek mausam mein
kuchh KHizan mein hain kuchh bahaar mein hain
ek shair bana KHuda-e-suKHan
jo rasul-e-suKHan the ghaar mein hain
KHar samjho na tum unhen hargiz
sanp ke dant gul ke haar mein hain
shimr-o-firaun kab hue marhum
un ke ausaf rishte-dar mein hain
sab ke sab kawish-e-farishta-KHisal
aib jitne hain KHaksar mein hain
Kavish Badri 
(1068) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544