TariKH Ke Safhat Mein Koi Nahin Ham-sar Mera

tariKH ke safhat mein koi nahin ham-sar mera

mahw-e-safar hai aaj tak phenka hua patthar mera

har samt sehn-e-zat mein phaile hue sae mere

baiTha hai taKHt-e-fikr par simTa hua dilbar mera

kya KHush-nasibi hai meri main ek tanha fauj hun

jhuT aur sach ki jang mein kaam aa gaya lashkar mera

mahaul sab ka ek hai aanhken wahi nazren wahi

sab se alag rahen meri sab se juda manzar mera

ek rang-e-istighraq hai ek nikhat-e-awargi

Thahra hua gagar mein hai bahta hua sagar mera

duniya karegi ek din auraq-gardani meri

yaad aaega ahbab ko ganjina-e-gauhar mera

'kawish' ana ki qaid ke diwar-o-dar girne ko hain

ek aalam-e-asghar mein hai ek aalam-e-akbar mera

(522) Peoples Rate This

Your Thoughts and Comments

TariKH Ke Safhat Mein Koi Nahin Ham-sar Mera In English By Famous Poet Kavish Badri. TariKH Ke Safhat Mein Koi Nahin Ham-sar Mera is written by Kavish Badri. Read famous Poem TariKH Ke Safhat Mein Koi Nahin Ham-sar Mera for youth and Student by Kavish Badri. Free Download TariKH Ke Safhat Mein Koi Nahin Ham-sar Mera in PDF.