Tir Ki Parwaz Hai Mashkiza-e-dil Ki Taraf

tir ki parwaz hai mashkiza-e-dil ki taraf

ho ke ghayal phir bhi hum mail hain qatil ki taraf

go nahin pairak lekin hausla baDhne ka hai

mauj ki ek fauj saf-basta hai sahil ki taraf

har jagah hazir hun main apne misali tan ke sath

fasle aur waqt be-mani hain manzil ki taraf

jaisi apni ain hai utni hi apni dauD-dhup

qais mahmil ki taraf hum sham-e-mahfil ki taraf

saut-e-naqus-o-jaras ho ya azan ho ya jaras

rasta ek aur jata hai salasil ki taraf

jaise be-harf-o-nawa utri hai ilhami kitab

wo muKHatab hain usi andaz se dil ki taraf

baada-KHwaron mein bhi hum 'kawish' wali ban kar jiye

ruKH hamara tha tasawwuf ke masail ki taraf

(449) Peoples Rate This

Your Thoughts and Comments

Tir Ki Parwaz Hai Mashkiza-e-dil Ki Taraf In English By Famous Poet Kavish Badri. Tir Ki Parwaz Hai Mashkiza-e-dil Ki Taraf is written by Kavish Badri. Read famous Poem Tir Ki Parwaz Hai Mashkiza-e-dil Ki Taraf for youth and Student by Kavish Badri. Free Download Tir Ki Parwaz Hai Mashkiza-e-dil Ki Taraf in PDF.