Kuchh Bacha Le Abhi Aansu Mujhe Rone Wale

kuchh bacha le abhi aansu mujhe rone wale

sanehe aur bhi hain ru-numa hone wale

waqt ke ghaT utar kar nahin wapas lauTe

dagh malbus-e-mah-o-mahr ke dhone wale

daem aabaad rahe dar-e-fana ke basi

fikr mein ruh-e-baqayab samone wale

thartharaati rahe ab KHwah hama-waqt zamin

so gae KHak-e-abad oDh ke sone wale

jis pe bhi panw dhara main ne usi naw mein

aae aasar nazar KHud ko Dubone wale

ab liye phirta hai kya daman-e-sad-chaak apna

kya hue ab wo tere sine pirone wale

ja nikalta hai achanak wahin rasta mera

dar pa-e-pa hon jahan KHar chubhone wale

gard hai hath mein un ke meri kusht-e-zar-KHez

KHar-o-KHas se jo alawa nahin bone wale

ye bhi ek turfa tamasha hai ki hain andhiyare

resha-e-shab mein sitaron ko pirone wale

kar gae KHushk bhari jhil tassuf ke kanwal

sukh kar kanTa hue raat bhigone wale

de gaya hai jo hamein ahd-e-marasim us ka

us KHazane ko nahin hum nahin khone wale

(503) Peoples Rate This

Your Thoughts and Comments

Kuchh Bacha Le Abhi Aansu Mujhe Rone Wale In English By Famous Poet Khaavar Jilani. Kuchh Bacha Le Abhi Aansu Mujhe Rone Wale is written by Khaavar Jilani. Read famous Poem Kuchh Bacha Le Abhi Aansu Mujhe Rone Wale for youth and Student by Khaavar Jilani. Free Download Kuchh Bacha Le Abhi Aansu Mujhe Rone Wale in PDF.