KHayal-o-KHwab Se Niklun Zuhur Tak Dekhun
KHayal-o-KHwab se niklun zuhur tak dekhun
safar ke daere toDun ubur tak dekhun
mere liye hain ye haft-asman-o-haft-zamin
to kis liye tere jalwe main tur tak dekhun
samajh saka hun tujhe bas shuur ki had tak
ye fikr hai ki tujhe la-shuur tak dekhun
ragen chaTaKH gain rishton ki shorishen kaisi
sada lahu ki jo aae to dur tak dekhun
ulajh na jaun kahin reshmi KHayalon mein
tera 'jamal' pas-e-rang-o-nur tak dekhun
Khalid Jamal 
(475) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544