Kisi Ke KHwab Ko Ehsas Se Bandha Hua Hai
kisi ke KHwab ko ehsas se bandha hua hai
bahut puKHta bahut hi pas se bandha hua hai
hamare taKHt ko mashrut kar rakkha hai us ne
hamare taj ko ban-bas se bandha hua hai
siyahi umr bhar mere taaqub mein rahegi
ki main ne jism ko qirtas se bandha hua hai
mere isbaat ki chabi ko apne pas rakh kar
mere inkar ko ehsas se bandha hua hai
hamare baad in aabaadiyon ki KHair kijo
samundar hum ne apni pyas se bandha hua hai
saja rakkhi hai us ne apni KHatir ek masnad
mere aafaq ko anfas se bandha hua hai
ajab pahre mere afkar par rakkhe hain 'KHalid'
ajab khaTka mere ehsas se bandha hua hai
Khalid Karrar 
(454) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544