KHud Apna Aks Hun Ki Kisi Ki Sada Hun Main
KHud apna aks hun ki kisi ki sada hun main
yun shahr ta-ba-shahr jo bikhra hua hun main
main DhunDne chala hun jo KHud apne-ap ko
tohmat ye mujh pe hai ki bahut KHud-numa hun main
mujh se na puchh nam mera ruh-e-kaenat
ab aur kuchh nahin hun tera aaina hun main
jab nind aa gai ho sada-e-jaras ko bhi
meri KHata yahi hai ki kyun jagta hun main
laun kahan se DhunDh ke main apna ham-nawa
KHud apne har KHayal se Takra chuka hun main
ai umr-e-rafta main tujhe pahchanta nahin
ab mujh ko bhul ja ki bahut bewafa hun main
Khalilur Rahman Azmi 
(387) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544