Teri Sada Ka Hai Sadiyon Se Intizar Mujhe
teri sada ka hai sadiyon se intizar mujhe
mere lahu ke samundar zara pukar mujhe
main apne ghar ko bulandi pe chaDh ke kya dekhun
uruj-e-fan meri dahliz par utar mujhe
ubalte dekhi hai suraj se main ne tariki
na ras aaegi ye subh-e-zar-nigar mujhe
kahega dil to main patthar ke panw chumunga
zamana lakh kare aa ke sangsar mujhe
wo faqa-mast hun jis rah se guzarta hun
salam karta hai aashob-e-rozgar mujhe
Khalilur Rahman Azmi 
(465) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544