Wahshaton Ka Kabhi Shaidai Nahin Tha Itna
wahshaton ka kabhi shaidai nahin tha itna
jaise ab hun tera saudai nahin tha itna
bar-ha dil ne tera qurb bhi chaha tha magar
aaj ki tarah tamannai nahin tha itna
is se pahle bhi kai bar mile the lekin
shauq dildada-e-ruswai nahin tha itna
pas rah kar mujhe yun qurb ka ehsas na tha
dur rah kar gham-e-tanhai nahin tha itna
apne hi sayon mein kyun kho gain nazren 'KHatir'
tu kabhi apna tamashai nahin tha itna
Khatir Ghaznavi 
(421) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544